Ամսագրեր / «Նորավանք» գիտակրթական հիմնադրամ

Բաժանորդագրվել

Նոր Գրքեր

Լույս է տեսել

2010(4) 2009(6) 2008(4) 2007(4) 2006(4) 2005(4) 2004(4) 2003(2)

27.07.2010 «21-րդ ԴԱՐ» N 4, 2010
Համարում շոշափվել են միջազգային իրավունքում ինքնորոշման և տարածքային ամբողջականության սկզբունքներին (Ա.Պապյան), Արցախյան պատերազմում ադրբեջանական ավիացիայի գործողությունների և հայկական ՀՕՊ հակազդեցության վերլուծությանը (Ա.Հովհաննիսյան), ընդհանրապես հայ բողոքականներին (Տ.Ղանալանյան) և մասնավորապես Լիբանանի հայ բողոքական համայնքին (Վ.Հովյան), 1894-96թթ. հայերի բռնի իսլամացման դրվագներին (Մ.Աբրահամյան), կենսաթոշակային բարեփոխումների ոլորտում օտարերկրյա փորձին ծանոթանալու անհրաժեշտությանը (Ս.Գոմցյան) նվիրված հարցեր։

07.07.2010 «21-րդ ԴԱՐ», #3, 2010
«21-րդ ԴԱՐ» հանդեսի հերթական՝ 3-րդ համարի առանցքային թեման հայ-թուրքական հարաբերություններն են, որոնց տարբեր ասպեկտներով են մոտեցել Գ.Հարությունյանն («Զարգացման ռազմավարություն և աշխարհաքաղաքական սցենարներ») ու Ա.Մարջանյանը («ՌԵՆԴ կորպորացիան և մենք. Հայաստան-Թուրքիա հարաբերությունները»)։ Ավիացիոն բեռնափոխադրումների, կրթական համակարգի, վրաց ինքնության և այլ հարցերի վերաբերյալ ուշագրավ վերլուծություններ են կատարել Ա.Հովհաննիսյանը, Ա.Մարկոսյանն ու Ռ.Ղանթարչյանը, Թ.Վարդանյանը և Լ.Հովսեփյանը։

30.05.2010 «21-րդ ԴԱՐ», # 2, 2010
Լույս է տեսել «21-րդ ԴԱՐ» հանդեսի 2010թ. 2-րդ համարը, որի, կարելի է ասել՝ 1-ին բաժինը նվիրված է Հայոց ցեղասպանությանն ու Հայկական հարցին, հայ սփյուռքի երրորդ սերնդի խնդիրներին, Իսրայելում Հայոց ցեղասպանության ճանաչման հարցում առկա հակասական վերաբերմունքին։ Հետաքրքիր հոդվածներ կան երկրի իմիջի, ՀՀ-ում ատոմային էներգետիկայի հեռանկարների, ռազմաօդային ուժերի և հակաօդային պաշտպանության զորքերի միավորման և այլ հարցերի վերաբերյալ։

02.04.2010 «21-րդ ԴԱՐ», # 1, 2010
«21-րդ ԴԱՐ» հանդեսի 2010թ. 1-ին համարում լույս են տեսել ուշագրավ նյութեր ԽՍՀՄ-ի և «սոցճամբարի» համակարգային փլուզման, հայ գրի, թարգմանական և ինքնուրույն գրականության պատմական նշանակության, Վրաստանի ներքին քաղաքականության, ԱՄՆ լոբբինգի ինստիտուտի, մեր տարածաշրջանում անօդաչու թռչող սարքերի կիրառության հեռանկարների և այլ հարցերի վերաբերյալ։

24.12.2009 «21-րդ ԴԱՐ», # 6, 2009
«21-րդ ԴԱՐ» հանդեսի տարեվերջյան՝ 6-րդ համարում լույս են տեսել հոդվածներ՝ նվիրված Հայաստանի ինֆոքաղաքականությանը (Աննա Ժամակոչյան, «Տեղեկատվական հոսքերը և Հայաստանի ինֆոքաղաքականությունը»), հայկական և այլ տեղանունների թուրքացման՝ Թուրքիայում շարունակվող քաղաքականությանը (Ռուբեն Մելքոնյան, «Տեղանունների փոփոխությունը՝ որպես թուրքացման քաղաքականություն»), հայերի դեմ իրագործված ցեղասպանության համար պետություններին միջազգային իրավական պատասխանատվության ենթարկելու հիմնախնդրին (Վլադիմիր Վարդանյան, Ցեղասպանության համար պետությունների միջազգային իրավական պատասխանատվության արդի միտումներն ու զարգացումները») և մի շարք այլ հարցերի։

10.11.2009 «21-րդ ԴԱՐ», # 5, 2009
«21-րդ ԴԱՐ» հանդեսի հերթական՝ 5-րդ համարում լույս են տեսել հոդվածներ տեղեկատվական անվտանգության ձևավորման համար անհրաժեշտ գաղափարական հիմնադրույթների (Գ.Հարությունյան, «Գաղափարախոսություն և տեղեկատվական անվտանգություն»), քաղաքակրթության գաղափարի փիլիսոփայական մոտեցումների (Էդ.Լ.Դանիելյան, «Քաղաքակրթության տեսությունը աշխարհաքաղաքական հայեցակարգերում»), Երուսաղեմի և Պաղեստինի հայ համայնքի (Դ.Սանոյան, «Երուսաղեմի և Պաղեստինի հայ համայնքը Առաջին աշխարհամարտի և Ցեղասպանության շրջանում»), «բրենդ-պետություն» կերպարի ձևավորման (Կ.Բաբաջանյան, «Պետության բրենդի բաղադրիչները») և ուշագրավ այլ հարցերի վերաբերյալ։

31.07.2009 «21-րդ ԴԱՐ», # 4, 2009
«21-րդ ԴԱՐ» հանդեսի թիվ 4-ում լույս են տեսել Կարեն Կարապետյանի «Էներգետիկ անվտանգության մակարդակի գնահատման ամփոփ (ինտեգրալային) ցուցանիշը և կանխատեսումները» (քննարկվել են էներգետիկ անվտանգության մակարդակի գնահատման հիմնախնդրին վերաբերող մեթոդաբանական մոտեցումները), Սևակ Սարուխանյանի «Նաբուկկո» գազատարը և Հայաստանը» (դիտարկվել է նախագծին Հայաստանի միանալու հնարավորության հարցը), Վահրամ Միրաքյանի «Տպագիր նյութերում օգտագործվող մանիպուլյացիոն ազդեցության հնարքները (ներկայացված են տպագիր լրատվամիջոցներում կիրառվող մանիպուլյացիոն այն հնարքները, որոնց նպատակն է ազդել մարդկանց կարծիքների և դիրքորոշումների վրա) հոդվածները, ինչպես նաև Վարդան Հայկազյանի «Հայաստանի Հանրապետության կայուն զարգացման հայեցակարգի ուրվագիծ», Արշակ Սմբատյանի և Արտյոմ Տեր-Հարությունյանի «Գլոբալացման պայմաններում անվտանգության առանձին հիմնախնդիրների շուրջ», Հայկ Նազարյանի «Չինաստանի ազգային շահերի դրսևորումներն Իրանում» նյութերը։

15.06.2009 «21-րդ ԴԱՐ», # 3, 2009
«21-րդ ԴԱՐ» հանդեսի 3-րդ համարում լույս են տեսել Հայաստանում տեղեկատվական հասարակության կառուցմանը (Հ. Բայադյան, «Նոր տեղեկատվամիջոցներ և տեղեկատվական հասարակություն»), ազգային ուրույնությունից օգտվելու կարևորությանը (Տ.Սարգսյան, «Ազգային բրենդի կարևորությունը»), ԼՂՀ-ում տարաբնակեցման և ժողովրդագրական հիմնահարցերի համալիր ուսումնասիրությանը (Ս.Սուջյան, «Լեռնային Ղարաբաղի Հանրապետության ժողովրդագրական իրավիճակը»), Թուրքիայի ռազմավարական ծրագրի շրջանակներում նախատեսված ռազմական արդիականացման խնդիրներին (Լ.Հովսեփյան, «Թուրքիայի հակաօդային և հակահրթիռային համակարգերը») և այլ ուշագրավ հարցերի նվիրված հոդվածներ։

30.04.2009 «21-րդ ԴԱՐ», # 2, 2009
«Նորավանք» ԳԿՀ «21-րդ ԴԱՐ» հանդեսի 2-րդ համարում ներկայացված են նյութեր՝ նվիրված վերջին ժամանակներս լայնորեն կիրառվող ինքնիշխանություն (սուվերենիտետ) հասկացության մի քանի ասպեկտներին (Հ.Արզումանյան, «Հայկական պետականությունը և ինքնիշխանության խաղերը»), օտարների՝ մեր ապագայի վերաբերյալ արված կանխատեսումներին (Ա.Մարջանյան, «Մեր ապագան՝ NIC աչքերով»), տարածաշրջանային զարգացումներին և Հայաստանի ազգային անվտանգությանը (Ռ.Գիրագոսյան, «Տարածաշրջանային զարգացումները և Հայաստանի ազգային անվտանգությունը»), 2008թ. նախագահական ընտրություններից հետո թեկնածուների վերաբերյալ ստեղծված քաղաքական միֆերի ուսումնասիրությանը և քրդական գործոնի նշանակությանը տարածաշրջանային անվտանգության խնդիրների համատեքստում։

25.02.2009 «21-րդ ԴԱՐ», # 1, 2009
«Նորավանք» ԳԿՀ 2009թ. «21-րդ ԴԱՐ» հայերեն առաջին համարում ներկայացված են Հայաստանի էներգետիկ անվտանգության ապահովման (Կ.Կարապետյան, «Հայաստանը և տարածաշրջանային էներգետիկ գործընթացները տեղեկատվական ապահովման համատեքստում»), տնտեսական զարգացման (Ա.Թավադյան, «Տնտեսության առանցքային հիմնախնդիրները»), գլոբալ և տարածաշրջանային (Ա.Մանվելյան, «ԱՄՆ էներգետիկ քաղաքականության կասպյան բաղկացուցիչը»), հատկապես Իսրայելի փորձի ուսումնասիրման համատեքստում Հայաստան հայրենադարձության (Հ.Մարության, «Հայրենադարձության և աբսորբցիայի իսրայելական փորձից») և այլ խնդիրներին նվիրված նյութեր։