ՏԵՂԵԿԱՏՎԱԿԱՆ ԱՆՎՏԱՆԳՈՒԹՅԱՆ ՀԱՅՏՆԻ ՓՈՐՁԱԳԵՏ ԱՐՍԵՆ ԼԵՎՈՆՅԱՆԸ ՇՏԱՊ ՀԱՅՏԱՐԱՐՈՒԹՅԱՄԲ Է ՀԱՆԴԵՍ ԵԿԵԼ

Տեղեկատվական անվտանգության հայտնի փորձագետ Արսեն Լեվոնյանը շտապ հայտարարությամբ է հանդես եկել.

Աշխարհը արագորեն փոխվում է, և առաջիկա տարիներին այդ փոփոխությունները ավելի նկատելի կլինեն հատկապես կապի, ինտերնետի և առևտրի ոլորտներում։

Եթե նախկինում զանգերն իրականացվում էին բացառապես բջջային օպերատորների SIM քարտերի միջոցով, ապա մոտ ապագայում այս մոդելը գրեթե ամբողջությամբ կփոխարինվի ինտերնետային հավելվածներով։ Այժմ արդեն լայնորեն կիրառվող WhatsApp, Viber, Telegram, Messenger և նմանատիպ հարթակները աստիճանաբար դուրս են մղում դասական զանգերը։ Սա ոչ միայն նվազեցնում է կապի արժեքը, այլև բացում է նոր հնարավորություններ տեսազանգերի, խմբային կապի և գործնական հանդիպումների համար։

Ինտերնետը դառնում է կյանքի անբաժան մաս։ Մոտակա տարիներին կանխատեսվում է, որ պահանջարկը կաճի կրկնակի, իսկ դրան զուգահեռ՝ կբարձրանան նաև որոշ սարքավորումների գները։ Հատկապես մեծ պահանջարկ կունենան․

• Ուժեղ ռոուտերներ և Wi-Fi համակարգեր,
• Ինտերնետային սերվերներ և պահեստային լուծումներ,
• Ապահովության ապահովող սարքավորումներ։

Սա նշանակում է, որ ինտերնետային մատակարար ընկերությունները կանցնեն լուրջ բիզնես վերափոխումների և կստանան աճի նոր հնարավորություններ։

Հայաստանում, ինչպես նաև ամբողջ աշխարհում, ավանդական խանութները աստիճանաբար կկորցնեն իրենց դերը։ Ավելանալու են միայն այն ոլորտները, որտեղ առցանց առաքումը դժվար է կամ անհնար․ օրինակ՝ սննդի կետերը։ Սպասվում է, որ շատ դասական խանութներ, որոնք զբաղվում են հագուստի, կենցաղային իրերի կամ այլ ապրանքների վաճառքով, կփակվեն և կտեղափոխվեն առցանց հարթակներ։

Այս ամենը ոչ միայն կփոխի մարդկանց գնումների վարքագիծը, այլև կստիպի բիզնեսներին նոր մտածելակերպ որդեգրել։

www.iravunk.com