ՀԱՄԱՑԱՆՑԸ ՀԱՅԱՍՏԱՆՈՒՄ․ 2016 ԹՎԱԿԱՆԻ ԱՄՓՈՓՈՒՄ

29.12.2016

ՀԱՄԱՑԱՆՑԸ ՀԱՅԱՍՏԱՆՈՒՄ․ 2016 ԹՎԱԿԱՆԻ ԱՄՓՈՓՈՒՄ

Սամվել Մարտիրոսյան
«Նորավանք» ԳԿՀ Տեղեկատվական հետազոտությունների կենտրոնի փորձագետ

Համացանցը, հաղորդակցության ոլորտը Հայաստանում 2016թ. ընթացքում շարունակել են կայուն զարգանալ: Աճ է նկատվել ինչպես ինտերնետից օգտվողների թվի, այնպես էլ՝ սոցցանցերի օգտգործման տեսանկյունից:

Ինտերնետ և բջջային կապի հասանելիության տեսանկյունից Հայաստանում դիտվում է դանդաղ, բայց կայուն աճ:

Բջջային կապի բաժանորդների թվաքանակը Հայաստանում 2016թ. երրորդ եռամսյակում հասել է 3 486 480-ի, ինչը նախորդ եռամսյակի համեմատ 52 084 բաժանորդով ավելի է (2015թ. այս ցուցանիշը 3 424 236 էր¹)։

Բաժանորդներն, ըստ օպերատորների, բաշխվում են հետևյալ կերպ. փակագծերում տրված է աճը մեկ եռամսյակի ընթացքում.

Vivacell - 2 112 606 (+28 444)

Beeline - 890 507 (+26 945)

Ucom - 483 367 (-3 305)։

Ինչ վերաբերում է ինտերնետ կապի հասանելիությանը, ապա այստեղ նույնպես դիտվում է աճ բոլոր ցուցանիշներով:

2016թ. երրորդ եռամսյակի տվյալներով².

• լայնաշերտ ինտերնետ կապի բաժանորդագրությունների թիվը հասել է 265 480-ի (+4 835)

• շարժական լայնաշերտ ինտերնետ կապի բաժանորդագրությունների թիվը՝ 247 140-ի (+15 442)

• բջջային հեռախոսներով ինտերնետ կապից օգտվող բաժանորդների թիվը՝ 1 891 078-ի (+ 229 132)։

Ըստ հիմնական շուկայում ներկայացված պրովայդերների՝ վիճակագրությունը հետևյալն է.

Armentel -

• բաժանորդագրությունները - 142 607

• շարժական լայնաշերտ կապի բաժանորդագրությունները - 50 113 (լայնաշերտ ինտերնետ հասանելիության բաժանորդներ (բացառությամբ հեռախոսի միջոցով օգտվողների),

• համացանցին կպած բջջային հեռախոսների թիվը - 365 042 (տվյալների հաղորդման ծառայություններից օգտվող բաժանորդներ, հեռախոսի միջոցով)։

Vivacell -

• շարժական լայնաշերտ կապի բաժանորդագրությունները - 72 368

• համացանցին կպած բջջային հեռախոսների թիվը - 1 259 602։

Ucom

Լայնաշերտ ինտերնետի բաժանորդագրությունները - 77 954

• շարժական լայնաշերտ կապի բաժանորդագրությունները - 124 659

• համացանցին կպած բջջային հեռախոսների թիվը - 266 434։

Rostelecom

• Լայնաշերտ ինտերնետի բաժանորդագրությունները - 35 819։

Interactive

• լայնաշերտ ինտերնետի բաժանորդագրությունները - 5 212։

Arpinet

• լայնաշերտ ինտերնետի բաժանորդագրությունները - 2 675։

Web

• լայնաշերտ ինտերնետի բաժանորդագրությունները - 1 213։

Գերիշխող դեր ունեցող երկու սոցիալական ցանցերի տեսանկյունից նույնպես նկատվում են լուրջ փոփոխություններ: Այսպես, «Ֆեյսբուք» սոցիալական ցանցը դառնում է Հայաստանում առաջատարը: Մեկ տարվա կտրվածքով ակտիվ օգտատերերի աճը կազմել է 200 հազար կամ 20%³: 2016թ. դեկտեմբերի տվյալներով, որոնք տրամադրվում են տվյալ սոցցանցի գովազդային հարթակի կողմից, ակտիվ օգտատերերի թիվը Հայաստանից կազմում է մոտ մեկ միլիոն: Բացի դրանից, մոտ 35 հազար ակտիվ օգտատեր կա Արցախից:

Մյուս կողմից՝ ռուսաստանյան «Օդնոկլասնիկի» սոցիալական ցանցը զիջում է առաջատար դիրքերը Հայաստանում (տե՛ս Նկար 1):

Այսպիսով, կարելլի է արձանագրել, որ հեռահաղորդակցության ոլորտում Հայաստանում շարունակում է դիտվել ոչ շատ ակտիվ, սակայն դինամիկ աճ:

¹ Սամվել Մարտիրոսյան, Հայաստանի հեռահաղորդակցության ոլորտը 2014թ. տվյալներով, http://www.noravank.am/arm/articles/detail.php?ELEMENT_ID=13460&sphrase_id=57070

²Տվյալները վերցված են ինտերնետ պրովայդերների պաշտոնական հաշվետվություններից:

³Սամվել Մարտիրոսյան, Սոցիալական ցանցերը Հայաստանում (2015թ. տվյալները), http://www.noravank.am/arm/articles/detail.php?ELEMENT_ID=13686&sphrase_id=57070

դեպի ետ

Հեղինակի այլ նյութեր