ԿԼՈՐ ՍԵՂԱՆ «ԵՎՐԱՍԻԱԿԱՆ ԻՆՏԵԳՐՄԱՆ ՀՐԱՏԱՊ ՀԱՐՑԵՐԸ» ԹԵՄԱՅՈՎ ԵՎ Է.Ա. ՂԱԶԱՐՅԱՆԻ «ԳՆԴԱՊԵՏԸ ԵՎ ՆՐԱ ԺԱՄԱՆԱԿԸ» ԳՐՔԻ ՇՆՈՐՀԱՆԴԵՍԸ
2014թ. դեկտեմբերի 18-ին «Նորավանք» գիտակրթական հիմնադրամում տեղի ունեցան Եվրասիական փորձագիտական ակումբի Երկրորդ ամենամյա ժողովը և Կլոր սեղան՝ «Եվրասիական ինտեգրման հրատապ հարցերը» թեմայով։
Կլոր սեղանի ընթացքում քննարկվեցին տարածաշրջանային և գլոբալ մակարդակներում ընթացող առավել հրատապ քաղաքական և սոցիալ-տնտեսական գործընթացները, որոնք անմիջականորեն առնչվում են Հայաստանի Հանրապետության և Լեռնային Ղարաբաղի Հանրապետության շահերին։
Եվրասիական փորձագիտական ակումբի նիստին և Կլոր սեղանին մասնակցեցին ինչպես Ակումբի անդամները, այնպես էլ քաղաքական և հասարակական գործիչներ, քաղաքագետներ և տնտեսագետներ Հայաստանից, Ռուսաստանից, Ղազախստանից, մի շարք դեսպանությունների ներկայացուցիչներ, ինչպես նաև երիտասարդ գիտնականներ և լրագրողներ։
Միջոցառումը համատեղ կազմակերպվել էր «Ինտեգրացիա և զարգացում» հետազոտական-վերլուծաբանական հասարակական կազմակերպության և «Նորավանք» ԳԿՀ-ի կողմից։