09.03.2015
ՀԱՅԱԳԻՏՈՒԹՅՈՒՆԸ ԱՄՆ-ՈՒՄ. ԽՆԴԻՐՆԵՐ ԵՎ ՀԵՌԱՆԿԱՐՆԵՐ
2015թ. մարտի 5-ին «Նորավանք» ԳԿՀ-ում տեղի ունեցավ սեմինար՝ «Հայագիտությունը ԱՄՆ-ում. խնդիրներ և հեռանկարներ» թեմայով։ Զեկուցումով հանդես եկավ Միչիգանի համալսարանի Մարի Մանուկյանի անվան հայոց լեզվի և գրականության ամբիոնի վարիչ Գևորգ Բարդակչյանը։
Բանախոսը համեմատություն անցկացրեց ամերիկյան և եվրոպական հայագիտական կենտրոնների միջև՝ նշելով, որ, եթե Եվրոպայում հայագիտությունը որոշակիորեն վայելում է պետական հովանավորություն, ապա ԱՄՆ-ում հայագիտական կենտրոնները զուրկ են նման աջակցությունից։ Այնուհետև պարոն Բարդակչյանն անդրադարձավ ԱՄՆ-ում հայագիտական կենտրոնների ձևավորման և զարգացման պատմությանը, հատուկ կանգ առավ ներկայումս ԱՄՆ հայագիտական կենտրոնների գործունեության ուղղությունների, առկա խնդիրների, գործունեության համակարգվածության, ինչպես նաև Հայաստանի գիտական հաստատությունների հետ կապերի ու համագործակցության վրա։
Զեկուցմանը հաջորդեցին հարցուպատասխան և քննարկում։
