ՏԵՂԻ ՈՒՆԵՑԱՆ «ՏԵՂԵԿԱՏՎԱԿԱՆ ԱՆՎՏԱՆԳՈՒԹՅՈՒՆ. ԳՈՎԱԶԴԻՑ ՄԻՆՉԵՎ ԳԱՂԱՓԱՐԱԽՈՍՈՒԹՅԱՆ ՀԱՐՑԵՐ» ԽՈՐԱԳՐՈՎ ԱՄԱՌԱՅԻՆ ԴՊՐՈՑԻ ԵԶՐԱՓԱԿԻՉ ԴԱՍԱԽՈՍՈՒԹՅՈՒՆՆԵՐԸ
Ուսումնական և կրթական ծրագրերի համատեքստում ս.թ. հուլիսի 17-ին «Նորավանք» ԳԿՀ-ում տեղի ունեցան «Տեղեկատվական անվտանգություն. գովազդից մինչև գաղափարախոսության հարցեր» խորագրով ամառային դպրոցի եզրափակիչ դասախոսությունները։
Դասախոսությամբ հանդես եկան ԵՊՀ Կիրառական սոցիոլոգիայի ամբիոնի վարիչ, ք.գ.դ. Արթուր Աթանեսյանը` «Բանակի և զինծառայողների իմիջը սոցիալական գովազդներում» թեմայով, «Նորավանք» ԳԿՀ Ուսումնական կենտրոնի ղեկավար Աննա Ժամակոչյանը՝ «Պրոպագանդայի և մանիպուլյացիայի բացահայտումը մեդիատեքստերում. մեթոդաբանական սկզբունքներ» թեմայով և «Նորավանք» ԳԿՀ Տեղեկատվական կենտրոնի փորձագետներ Դիանա Գալստյանն ու Լիլիթ Հակոբյանը՝ «Ադրբեջանի հակահայ ինֆոքաղաքականության առանձնահատկությունները» զեկույցով։
Երեք դասախոսություններին էլ հետևեցին ակտիվ հարցուպատասխան և քննարկումներ։