03.10.2018
ՀԱՆԴԻՊՈՒՄ «ՆՈՐԱՎԱՆՔ» ԳԿՀ-ՈՒՄ
Հոկտեմբերի 3-ին «Նորավանք» գիտակրթական հիմնադրամում տեղի ունեցավ հանդիպում Հայաստանի Հանրապետությունում Ճապոնիայի Արտակարգ և լիազոր դեսպան Ջուն Յամադայի հետ։
Հանդիպման ընթացքում քննարկվեցին տարածաշրջանային և միջազգային էներգետիկ անվտանգության հարցեր։ Կողմերը կարծիքներ փոխանակեցին Հայաստանում էներգիայի վերականգնվող աղբյուրների օգտագործման և զարգացման էական պոտենցիալի առկայությանը վերաբերող հարցերի շուրջ։
Հանդիպման ընթացքում ծավալված բանավեճը ցույց տվեց երկու պետությունների մոտեցումների ընդհանրությունը էներգաանվտանգության ապահովման ոլորտում։ Կողմերը քննարկեցին նաև հայ-ճապոնական հարաբերությունների ամրապնդման և զարգացման հնարավորությունները գիտության և էներգետիկ անվտանգության ոլորտներում։