ՀԱՅԱՍՏԱՆՆ ԱՅՍՕՐ ՈՉ ԹԵ ԻՆՔՆԻՇԽԱՆ, ԱՅԼ ՕԿՈՒՊԱՑՎԱԾ ՊԵՏՈՒԹՅՈՒՆ Է. Գագիկ Հարությունյան

Ցանցային հետազոտությունների ինստիտուտի տնօրեն, «Ուժեղ Հայաստան Ռուսաստանի հետ. հանուն նոր միության» շարժման վերլուծական-քաղաքագիտական հանձնախմբի ղեկավար, քաղաքագետ ԳԱԳԻԿ ՀԱՐՈՒԹՅՈՒՆՅԱՆԻ գնահատմամբ՝ պետք է ադեկվատ գնահատել իրավիճակը, որն ամեն ինչի հիմքն է՝ ե՛ւ գործողությունների, ե՛ւ ռազմավարության մշակման: Այս մասին նա ասաց «Հայ-ռուսական ռազմավարական դաշինքի արդիական հարցերը` մեր ժամանակի սպառնալիքների եւ մարտահրավերների հանդեպ» թեմայով կլոր սեղան-քննարկման ժամանակ:

«Եթե փորձենք ադեկվատ գնահատական տալ, Հայաստանն այսօր ոչ թե ինքնիշխան, այլ օկուպացված պետություն է՝ գունավոր հեղափոխությունների ռազմավարության եւ հիբրիդային պատերազմների շրջանակներում: Հաճախ ասում ենք՝ վարչապետն այսինչ բանը սխալ արեց կամ ճիշտ արեց, մինչդեռ նա ոչինչ ինքնուրույն չի անում, ինչպես ժամանակին օկուպացված տարածքներում ոչինչ ինքնուրույն չէր արվում: Ուղղակի, այսօր տեխնոլոգիաներն են փոխվել: Ընդհանուր առմամբ՝ վերջին 5 տարում տարբեր գնահատմամբ՝ ամենաքիչը 6 միլիարդ դոլար ծախսվել է տարբեր հասարակական կազմակերպությունների եւ կառույցների վրա, էլ չեմ խոսում հատուկ ծառայությունների եւ այլնի մասին, որպեսզի Հայաստանում, այսպես կոչված, «հեղափոխությունը» ավարտին հասցվեր», – շեշտում է Գ. Հարությունյանը:

Հրանտ Սարաֆյան
www.iravunk.com