07.09.2026ՌՈՒՍՆԵՐԸ ԲԱՎԱԿԱՆ ՎՃՌԱԿԱՆ ԵՆ ՏՐԱՄԱԴՐՎԱԾ ՓԱՇԻՆՅԱՆԻ ԴԵՄ․ Հարությունյան
«Իրավունք»-ը զրուցել է Ցանցային հետազոտությունների ինստիտուտի տնօրեն, «Ուժեղ Հայաստան Ռուսաստանի հետ. հանուն նոր Միության» շարժման վերլուծական-քաղաքագիտական հանձնախմբի ղեկավար, քաղաքագետ ԳԱԳԻԿ ՀԱՐՈՒԹՅՈՒՆՅԱՆԻ հետ:
– Բիշքեկում տեղի ունեցավ ՌԴ նախագահ Վլադիմիր Պուտինի եւ Նիկոլ Փաշինյանի հանդիպումը: Ի՞նչը կկարեւորեք այդ հանդիպումից։
– Հանդիպման ընթացքում կարեւորվեց այն, որ Պուտինն առաջին տեղում դրեց Հայաստանը, հետո նոր Փաշինյանին: Ամեն դեպքում, մենք երկու պետություններով հին կապեր ունենք:
– Վ․ Պուտինը, ի պատասխան լրագրողի հարցին, ասաց, որ հայ-ռուսական հարաբերությունները վատացան այն ժամանակ, երբ Փաշինյանը ստորագրեց եւ համարեց, որ Ղարաբաղն Ադրբեջանինն է։ Ի՞նչ կասեք այս մասին։
– Անկեղծ ասած, ես այդքան էլ կողմնակից չեմ, երբ ասում են, որ միայն Փաշինյանն է մեղավոր: Փաշինյանը միայնակ ոչինչ չի անում: Նա հստակ կարգավիճակ ունի իր արեւմտյան տերերի մոտ: Այնպես որ, ամեն ինչ շատ բնական է եւ Փաշինյանի հիմնական միտքը հակառուսական է, որը նաեւ նշանակում է հակահայկական, քանի որ, ցավոք, առանց Ռուսաստանի՝ Հայաստան գոյություն չունի։
– Ի դեպ, հանրաքվեի մասով, ՌԴ նախագահը եւս մեկ անգամ կարեւորեց այն, սակայն Փաշինյանը հակադարձեց, որ դրա կարեւորությունը չի տեսնում։ Ինչպե՞ս կմեկնաբանեք։
– Կարող եմ ասել, որ անգամ Փաշինյանը եւ նրա այդ ամբողջ ոհմակը, ովքեր կարողացան ընտրությունները կեղծել, այս առումով վստահություն չունեն, որ կհաջողվի ստանալ իրեն անհրաժեշտ, այսինքն՝ իրենց տերերին անհրաժեշտ արդյունքները: Նրա տերերը խորհուրդ չեն տալիս, որ Փաշինյանը հանրաքվե անցկացնի, եւ ավելին՝ այդ տերերին անգամ ինչ-որ տեղ ձեռնտու է, որ նա կիսատ՝ այս կողմ, այն կողմ, վարքագիծ ունի: Եվ նույնիսկ նրանք են դա հուշում իրեն, որպեսզի լրիվ չհակադրվի Ռուսաստանին ու, միևնույն ժամանակ, ինչ որ պետք է անի։
– Պարոն Հարությունյան, տերեր ասելով՝ ո՞ւմ նկատի ունեք:
– Գիտեք ինչ, այսպես կոչված, «գունավոր հեղափոխություն»-ների սցենարները սարքել եւ կազմակերպել են ամերիկյան կենտրոններում: Մոտ 35 կենտրոն աշխատում է այսպես ասած՝ քաոսի կոնցեպցիայի վրա, որը կոչվում է «գունավոր հեղափոխություններ», որոնք հեղափոխություններ չեն: Դրանք, ուղղակի, իշխանության զավթումներ են, եւ այդ «գունավոր» բառը մտցրել են, որպեսզի մի քիչ ավելի գեղեցիկ հնչի։ Այնպես որ, հիմնական տերերը դրանք անգլոսաքսերն են, եւ չեմ բացառում, որ նաեւ իսրայելական մասնագետներ լինեն։
– Պուտին-Փաշինյան հանդիպման արդյունքներից ի՞նչ սպասել․ հայ-ռուսական հարաբերություններն ավելի կվատանա՞ն, թե հակառակը՝ գուցե կայունանան:
–Չեմ կարծում, որ Ռուսաստան-Հայաստան հարաբերությունները կկայունանան, որովհետեւ դատելով ռուսական ԶԼՄ-ների հաղորդումներից՝ հասկանում ենք, որ ռուսները, բարեբախտաբար, բավական վճռական են տրամադրված Փաշինյանի դեմ։
Նանա Սարգսյան
iravunk.com
դեպի ետ
Հեղինակի այլ նյութեր
- «ՏՊԱՎՈՐՈՒԹՅՈՒՆ Է, ՈՐ ՌԴ-Ն ՉԻ ՑԱՆԿԱՆՈՒՄ ՀԱՐԱԲԵՐՈՒԹՅՈՒՆՆԵՐԸ ԽԶԵԼ ՀԱՅԱՍՏԱՆԻ ՀԵՏ, ԵՐԿԿՈՂՄԱՆԻ ԶԳՈՒՇՈՒԹՅՈՒՆ ԿԱ». քաղաքագետ[31.08.2026]
- ՀԱՐՑԸ ՄԻԱՅՆ ԱՅՆ ՉԷ՝ ՄԵՆՔ ԵՎՐԱՍԻԱՅՈՒՄ ԿԼԻՆԵՆՔ, ԹԵ` ԵՎՐՈՊԱՅՈՒՄ. Գագիկ Հարությունյան[14.05.2026]
- ԱՅՍ ՔԻՉ ԲԵՎԵՌԱՅԻՆ ԱՇԽԱՐՀԸ[06.04.2026]
- «ԻՐԱՎԻՃԱԿԸ ՉԿԱՅՈՒՆԱՆԱԼՈՒ ԴԵՊՔՈՒՄ, ԻՐԱՆԻՆ ԿՀԱՐՎԱԾԻ ԱՐԵՎՄՈՒՏՔԸ, ԱՅԴ ՀԱՐՎԱԾՆ ԱՌԱՋԻՆՆ ԻՐ ՎՐԱ ԿՎԵՐՑՆԻ ՆԱԵՎ ՍՅՈՒՆԻՔԸ». Գագիկ Հարությունյան[03.03.2026]
- «ԱՄՆ-ԻՐԱՆ ՊԱՏԵՐԱԶՄԸ ՇԱՏ ՎՏԱՆԳԱՎՈՐ Է ՀԱՅԱՍՏԱՆԻ ՀԱՄԱՐ. ԻՐԱՆԻ ՄԻՋՈՒԿԱՅԻՆ ՕԲՅԵԿՏՆԵՐԸ ՏԵՂԱԴՐՎԱԾ ԵՆ ԵՐԿՐԻ ՀՅՈՒՍԻՍԱՅԻՆ ՄԱՍՈՒՄ, ԱՅՍԻՆՔՆ՝ ՄՈՏ ԵՆ ՀՀ ՍԱՀՄԱՆՆԵՐԻՆ». Գագիկ Հարությունյան[03.03.2026]
- «ՄԻԱԿ ԵՐԿԻՐԸ, ՈՐԻ ՈՒՇԱԴՐՈՒԹՅՈՒՆԸ ԿԱՐՈՂ է ԻՆՉ-ՈՐ ՀԱՐՑ ԼՈՒԾԵԼ ՀԱՅԱՍՏԱՆՈՒՄ, ՌՈՒՍԱՍՏԱՆՆ Է»[12.02.2026]
- «ՆՈՒՅՆԻՍԿ ՀԱՍԱՐԱԿ ԳԱՂԱՓԱՐ ՉԵՆ ՁԵՎԱԿԵՐՊՈՒՄ՝ ԵՐԿՐԻ ԱՊԱԳԱՅԻ ՀԱՄԱՐ»[18.10.2025]
- ՌՈՒՍԱԿԱՆ ՌԱԶՄԱԲԱԶԱՅՈՒՄ ՏԵՂԻ ՈՒՆԵՑԱԾԸ ԵՍ ԳՆԱՀԱՏՈՒՄ ԵՄ ՈՐՊԵՍ ԽՈՇՈՐ ՍՐԻԿԱՅՈՒԹՅՈՒՆ. Գագիկ Հարությունյան[29.08.2025]
- «Ե՛Վ ՄԵՐ ՀԱՍԱՐԱԿՈՒԹՅԱՆ, ԵՎ՛ ՌՈՒՍԱՍՏԱՆԻ ՀԱՄԲԵՐՈՒԹՅԱՆ ԲԱԺԱԿԸ ԼՑՎԵԼ Է». Գագիկ Հարությունյան[16.07.2025]
- «ԻՇԽԱՆՈՒԹՅՈՒՆՆԵՐԸ ՔԾՆՈՒՄ ԵՆ՝ ԻՆՉՊԵՍ ՌՈՒՍԱՍՏԱՆԻՆ, ԱՅՆՊԵՍ ԷԼ՝ ԵՎՐՈՊԱՅԻՆ, ՈՒ ՉԳԻՏԵՆ, ԹԵ ԴԵՊԻ ՈՒՐ ԵՆ ԳՆՈՒՄ». Գագիկ Հարությունյան[09.06.2025]