Ամսագրեր / «Նորավանք» գիտակրթական հիմնադրամ

Բաժանորդագրվել

Նոր Գրքեր

Լույս է տեսել

2010(16) 2009(25) 2008(11) 2007(9) 2006(11) 2005(13) 2004(8) 2003(2)

28.07.2010 «ԳԼՈԲՈՒՍ ԷՆԵՐԳԵՏԻԿ ԵՎ ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ», թիվ 4
Լույս է տեսել «Նորավանք» ԳԿՀ «Գլոբուս էներգետիկ և տարածաշրջանային անվտանգություն» հանդեսի 2010թ. #4-ը։ Համարում հրապարակվել են հոդվածներ՝ նվիրված ՀՀ էներգետիկ անվտանգության, հայ-թուրքական, թուրք-իսրայելական հարաբերությունների, Ադրբեջանում կրոնական զարգացումների հարցերին։ Վերլուծվել են նաև մի շարք միջազգային վարկանիշային հետազոտություններ։

27.07.2010 «21-րդ ԴԱՐ» N 4, 2010
Համարում շոշափվել են միջազգային իրավունքում ինքնորոշման և տարածքային ամբողջականության սկզբունքներին (Ա.Պապյան), Արցախյան պատերազմում ադրբեջանական ավիացիայի գործողությունների և հայկական ՀՕՊ հակազդեցության վերլուծությանը (Ա.Հովհաննիսյան), ընդհանրապես հայ բողոքականներին (Տ.Ղանալանյան) և մասնավորապես Լիբանանի հայ բողոքական համայնքին (Վ.Հովյան), 1894-96թթ. հայերի բռնի իսլամացման դրվագներին (Մ.Աբրահամյան), կենսաթոշակային բարեփոխումների ոլորտում օտարերկրյա փորձին ծանոթանալու անհրաժեշտությանը (Ս.Գոմցյան) նվիրված հարցեր։

27.07.2010 «21-й ВЕК», №3, 2010
Համարն անդրադարձել է ՀՀ-ի համար հիմնարար նշանակություն ունեցող կենսական մի շարք խնդիրների, այն է՝ զարգացման ռազմավարությունը և հնարավոր աշխարհաքաղաքական սցենարները (Գ.Հարությունյան), ատոմային էներգետիկայի (Ս.Սարուխանյան) և էներգետիկ անվտանգության (Վ.Դավթյան) հեռանկարները Հայաստանում, ազգային ինքնության պահպանումը (Գ.Հախվերդյան) և Հայասպանության հետևանքների վերացումը (Լ.Շիրինյան)։ Հեղինակներն անդրադառնում են նաև տարածաշրջանային զարգացումներին (Թ.Վարդանյան), գլոբալիզացիոն մարտահրավերներին (Ի.Բաղիրյան) և Հայաստանում GR-տեխնոլոգիաների ներդրման հարցերին։

27.07.2010 "21st CENTURY", N 1, 2010
Լույս է տեսել “21st Century” հանդեսի 2010թ. առաջին համարը, որում շոշափվել են թեմաներ խորհրդային համակարգի փլուզման պատճառների և հետևանքների (Գ.Հարությունյան), Հայաստանում ատոմային էներգետիկայի հեռանկարների (Ս.Սարուխանյան), ազգային ինքնության պահպանման (Գ.Հախվերդյան), Հայասպանության հետևանքների հաղթահարման (Լ.Շիրինյան) և մեր երկրի իմիջի (Լ.Այվազյան) վերաբերյալ։ Համարում ներկայացված են նաև հոդվածներ՝ նվիրված հայ գրերի քաղաքակրթական նշանակությանը, Վրաստանի ներկա իրավիճակի, նրա ներքին քաղաքականության (Հ.Միքայելյան) և ազգային ինքնության (Թ.Վարդանյան) հարցերին։

26.07.2010 «ԳԼՈԲՈՒՍ ԱԶԳԱՅԻՆ ԱՆՎՏԱՆԳՈՒԹՅՈՒՆ», թիվ 4
«Նորավանք» ԳԿՀ «Գլոբուս Ազգային անվտանգություն» պարբերականի 2010թ. չորրորդ համարը նվիրված է ԼՂՀ և տարածաշրջանային խնդիրներին, աշխարհաքաղաքական միտումների համատեքստում Հայաստան-Թուրքիա հարաբերություններին, Թուրքիայում մրցակցող գաղափարախոսական հոսանքներին, ԱՄՆ վերլուծական կառույցներում թուրք-ադրբեջանական գործոնի առաջխաղացման հարցերին։

07.07.2010 «21-րդ ԴԱՐ», #3, 2010
«21-րդ ԴԱՐ» հանդեսի հերթական՝ 3-րդ համարի առանցքային թեման հայ-թուրքական հարաբերություններն են, որոնց տարբեր ասպեկտներով են մոտեցել Գ.Հարությունյանն («Զարգացման ռազմավարություն և աշխարհաքաղաքական սցենարներ») ու Ա.Մարջանյանը («ՌԵՆԴ կորպորացիան և մենք. Հայաստան-Թուրքիա հարաբերությունները»)։ Ավիացիոն բեռնափոխադրումների, կրթական համակարգի, վրաց ինքնության և այլ հարցերի վերաբերյալ ուշագրավ վերլուծություններ են կատարել Ա.Հովհաննիսյանը, Ա.Մարկոսյանն ու Ռ.Ղանթարչյանը, Թ.Վարդանյանը և Լ.Հովսեփյանը։

02.06.2010 «ԳԼՈԲՈՒՍ ԷՆԵՐԳԵՏԻԿ ԵՎ ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ», թիվ 3
«Գլոբուս էներգետիկ և տարածաշրջանային անվտանգություն» պարբերականի 2010թ. 3-րդ համարում լույս են տեսել հոդվածներ՝ նվիրված տարածաշրջանային և էներգետիկ ակտուալ թեմաներին։ Դրանց թվում են հայ-իրանական ու ռուս-գերմանական հարաբերությունները, թուրք-ադրբեջանական համագործակցության հիմնախնդիրները, անդրկասպյան էներգետիկ նախագծերը ևն։ Համարում տեղ է գտել նաև տարածաշրջանային էներգետիկ և քաղաքական հարցերին նվիրված նորությունների ընտրանին։

01.06.2010 «ԳԼՈԲՈՒՍ ԱԶԳԱՅԻՆ ԱՆՎՏԱՆԳՈՒԹՅՈՒՆ», թիվ 3
Լույս է տեսել «Նորավանք» ԳԿՀ «Գլոբուս Ազգային անվտանգություն» պարբերականի 2010թ. երրորդ համարը, որում հեղինակներն անդրադարձել են աշխարհի հնարավոր զարգացումներում Հայաստանի անվտանգության ռազմավարության հարցերին,պետությունների դերին հետարդիական դարաշրջանում, սոցիալական ցանցերում տեղեկատվության գերհոսունության միտումներին, Ադրբեջանի հեռուստաալիքների իրավիճակին, Վրաստանում միաէթնիկ հանրության ձևավորման գործընթացին։

30.05.2010 «21-րդ ԴԱՐ», # 2, 2010
Լույս է տեսել «21-րդ ԴԱՐ» հանդեսի 2010թ. 2-րդ համարը, որի, կարելի է ասել՝ 1-ին բաժինը նվիրված է Հայոց ցեղասպանությանն ու Հայկական հարցին, հայ սփյուռքի երրորդ սերնդի խնդիրներին, Իսրայելում Հայոց ցեղասպանության ճանաչման հարցում առկա հակասական վերաբերմունքին։ Հետաքրքիր հոդվածներ կան երկրի իմիջի, ՀՀ-ում ատոմային էներգետիկայի հեռանկարների, ռազմաօդային ուժերի և հակաօդային պաշտպանության զորքերի միավորման և այլ հարցերի վերաբերյալ։

07.04.2010 «21-й ВЕК», # 2, 2010
Համարն աչքի է ընկնում թեմատիկ բազմազանությամբ և շոշափված հարցերի ընդգրկունությամբ։ Այստեղ տեղ են գտել աշխարհաքաղաքական մի ամբողջ համակարգի փլուզման պատճառների և հետևանքների (Գ.Հարությունյան) և հասարակության զարգացման հիմնական հակասության (Ի.Բաղիրյան) մասին հայեցակարգային աշխատանքները, հայ գրի դերին ու նշանակությանը (Է.Լ. Դանիելյան) և ինքնության պատմական ընկալման քաղաքակրթական իմաստավորմանը (Ա.Գասպարյան), ինչպես նաև 21-րդ դարի իրողություններում այդ ինքնության գրագետ դիրքավորմանը (Լ.Այվազյան) նվիրված պատմա-մշակութաբանական բնույթի հոդվածներ։